మెహర్‌ రమేష్‌ (Mehar Ramesh) దర్శకత్వంలో మెగాస్టార్‌ చిరంజీవి (Chiranjeevi) నటిస్తున్న చిత్రం ‘భోళా శంకర్‌’. తమన్నా (Tamanna Bhatia) హీరోయిన్​గా చేస్తున్న ‘భోళా శంకర్’​ (Bhola Shankar) మూవీలో చిరంజీవికి చెల్లెలుగా కీర్తి సురేష్​(Keerthi Suresh) నటిస్తోంది. చిరంజీవి కెరీర్ లో155వ చిత్రంగా రూపొందుతున్న ఈ సినిమాను ఏకే ఎంటర్​టైన్​మెంట్స్​, క్రియేటివ్​ కమర్షియల్స్​ బ్యానర్స్​పై కలిసి నిర్మిస్తున్నారు. తమిళ స్టార్​ హీరో అజిత్​ నటించిన సూపర్​ హిట్​ చిత్రం ‘వేదాళం’ సినిమాకు రీమెక్​గా ఈ సినిమాను తెరకెక్కిస్తున్నట్లు తెలుస్తోంది.

ఈ నేపథ్యంలో శివరాత్రి కానుకగా మెగాస్టార్ (Mega Star) ఫ్యాన్స్ హుషారెత్తే అప్‌డేట్ ఇచ్చారు మేకర్స్. ‘భోళా శంకర్‌’లో (Bhola Shankar) మెగాస్టార్ చిరంజీవి ఫస్ట్​ లుక్​ను మంగళవారం ఉదయం 9:05 గంటలకు రిలీజ్ చేశారు. ఈ ఫస్ట్ లుక్ పోస్ట‌ర్‌లో చిరంజీవి యంగ్ లుక్‌లో ఆక‌ట్టుకుంటున్నారు. కార్ ముందు భాగంలో కూర్చొని చేతిలో త్రిశూలం ఆకరంలో ఉన్న చైన్ తిప్పుతూ.. ప‌క్కా ఊర‌మాస్ లుక్‌లో క‌నిపిస్తున్నారు. కాగా, డూడ్లే సినిమాటోగ్ర‌ఫీ అందిస్తోన్న ఈ సినిమాకు మ‌హ‌తి స్వ‌ర సాగ‌ర్ స్వరాలు సమకూరుస్తున్నారు. ఈ సినిమాను ఈ ఏడాదిలోనే రిలీజ్ చేయ‌డానికి చిత్రబృందం స‌న్నాహాలు చేస్తున్నారు.