దర్శకధీరుడు రాజమౌళి దర్శకత్వంలో తెరకెక్కిన భారీ మల్టీ స్టారర్‌ చిత్రం ‘ఆర్‌ఆర్‌ఆర్‌’. (RRR) ఈ సినిమాలో కొమురం భీమ్‌గా యంగ్ టైగర్ ఎన్టీఆర్‌(Ntr), అల్లూరి సీతారామరాజుగా మెగా పవర్ స్టార్ రామ్‌చరణ్‌(Ramcharan) ప్రధాన పాత్రల్లో నటించారు. దాదాపు రూ. 400 కోట్లు భారీ బడ్జెట్‌తో ఈ పాన్‌ ఇండియా సినిమాను డీవీవీ దానయ్య నిర్మించారు. యావత్ సినీ ప్రపంచం ఎంతో ఆసక్తిగా ఎదురుచూస్తున్న ఈ చిత్రం ప్రపంచవ్యాప్తంగా మార్చి 25న విడుదలై కలెక్షన్ల ప్రభంజనం సృష్టిస్తోంది. విడుదలైన మూడు రోజుల్లోనే ప్రపంచవ్యాప్తంగా రూ.500 కోట్ల గ్రాస్​ వసూళ్లను సాధించింది.

అయితే విడుదలకు ముందే పలు రికార్డులను సాధించిన ఆర్ఆర్ఆర్ మూవీ విడుదల తర్వాత అనేక రికార్డులను ఖాతాలో వేసుకుంటుంది. ఈ క్రమంలోనే తనకు అద్భుత విజయాన్ని అందించిన దర్శకుడు రాజమౌళి, హీరో రామ్ చరణ్​తో పాటుగా ‘ఆర్​ఆర్​ఆర్’​ సినిమా యూనిట్ కు కృతఙ్ఞతలు​ చెబుతూ లేఖ రాశారు ఎన్టీఆర్. “నా లోని అత్యుత్తమ నటుణ్ని బయటికి తీసిన దర్శకుడు రాజమౌళికికు ధన్యవాదాలు. అయన నన్ను నటుడిగా మరో మెట్టు ఎక్కించావు. ఇక నా బ్రదర్​ రామ్ చరణ్​ లేకపోతే ‘ఆర్​ఆర్​ఆర్’​ సినిమానే లేదు. అల్లూరి సీతారామరాజు పాత్రలో జీవించాడు. ‘ఆర్​ఆర్​ఆర్’ అనేది సినిమా మాత్రమే కాదు అనేక భావోద్వేగాల సమ్మేళనం. ఈ నీటికి నిప్పులా తోడైనందుకు కృతఙ్ఞతల ” అని ఎన్టీఆర్ చెప్పుకొచ్చాడు.